شحاد بيحكي مع بنت سمينة كثير ودلوعة ، بيقول لها : أرجوك انا بقالي يومين ما كلتش لقمة خبز واحدة .
ردت البنت: أنا بحسدك يا عمو على إرادتك ، مين الدكتور اللي بتعمل عنده الريجيم الهايل ده ؟
واحد كسلان جداً بيقول لصاحبه : مش انا اشتغلت !
قال له : مبروك اشتغلت فين ؟
قال له : في مطبعة ، اقعد على الورق علشان ما يطرش .
بتقول الزوجة لزوجها : مبروك حنبقى ثلاثة فى البيت يا حسين .
الزوج حسين بسعادة : في حاجة جاية في الطريق ؟
قالت له : ايوه ،ماما جاية تعيش معانا على طول
واحد محشش قاعد مع اصحابه و بيحكيلهم: انا مرة طلعلي اسد و كان في ايدي كباية ميه رميتها عليه فهرب الاسد . رد عليه واحد من اللي قاعدين وقاله :صح انا طلع لي نفس الاسد ، ضربته كف على وجهه ايدي اتبلت بالميه.
واحد بخيل راح مع ابنه على سوبر ماركت، الولد جاب بسكويت وشوكولاطة وتشيبس ابوه بيقوله : ايه ده يا ابني ؟ قاله : بحبه يا بابا بحبه..
قاله : وماله ياحبيبي يلاّ بوسه ورجعه مكانه يا حبيبي انت!
ثلاثة مساطيل واحد بيقول للثاني : ولا يامحمد تعرف انا لو معايا فلوس ، كنت اشتريت نص الكرة الارضية . الثاني قال له : وأنا لو معايا فلوس كنت اشتريت النص الثاني . الثالث رد عليهم وقلهم :ومين قلكم انه انا حبيعلكم اصلا ؟
واحد مسطول بيقول لواحد مسطول :هو يوم الخميس يوافق24 ؟ قال له :لو ضغط عليه شوي اكيد حيوافق .
واحد مسطول بيفتح الثلاجة ، لقي الجيلي بيهتز ...قال له : متخفش انا جاي آخد العصير بس .
واحد احول بيعاكس بنتين حول بيقول : احلى وحدة فيكو البنت اللي فى النص.
ردت واحدة من البنتين عليه وقالت له : والله انتو شباب قليلين ادب.
واحد رخو كل يوم يمر عند البقال ويقول له : عمو عمو عندك تشيبس ..طيب اعطيني مصاصة . تاني يوم يمر كمان مرة ويقول له : عندك شوكولاطة طيب اعطيني لبان. كل يوم على هذا الحال. الرجل اتخنق منه راح يشتكي لأبوه ،قال له : ابنك كل يوم يمر ويتهبل علي . ابو الولد قال له : يا عمي الحاج عندك عصاية ؟قال له البقال: اه عندي قال الاب : طيب اضربه كف .
مرة واحد ماشي في جنازة مراته ، قاعد يضحك ، الناس سألوه : انت بتضحك على ايه ؟ قال لهم : انا صار لي 30 سنة متجوز هاي المرة ، وهاي اول مرة اعرف فيها هي رايحة فين.
طبيب بيطري متجوز طبيبة بيطرية بيقولها : حبيبتي انا بموت في دباديبك . قالت له : وأنا مقدرش ارفصلك طلب .
معلم لغة عربية قال : وقفت السيارة في المكان الممنوع ، ثم طلب من أحد التلاميذ أن يعرب كلمة السيارة ، فقال التلميذ: فاعل مرفوع بالونش .
معلم حساب سأل طالبا لو كان على أبوك دين 1000جنيه ومطلوب انه يسدده على 10 أقساط ، حيدفع كام جنيه في كل قسط؟
رد الولد : مش حيدفع ولا مليم .
فقال المعلم : اقعد يا ابني ده انت مش فاهم الدرس كويس...
فرد الولد : ده انت إللي مش فاهم بابا كويس يا أستاذ .
مرة واحد بيقولوا له :مرتك ماشية مع كهربائي المنطقة
.... قال لهم :ده ولا كهربائي ولا بيفهم حاجة في الكهربة
الابن:بتعمل ايه يا بابا؟
الاب:بكتب مكتوب لعمك.
الابن:هو انت بتعرف تكتب؟
الاب:يعني هو عمك اللي بيعرف يقرا ؟
الإثنين يونيو 04, 2007 2:51 pm
