فلسطيني ممنوع تعيش

فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور

***
ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش

***

فلسطيني بكل المطارات
اسمك بالاحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب او مندون ذنوب
و يتوجه الك اتهامات
انك سبب كل الحروب
كأنو بسببك الحق مات
و العدل بارضك مصلوب
و كأنك سبب النكسات
و كل ازمات الشعوب
و كأنو بسببك مجرم فات

على جنين بلحظه الغروب
و دبح صبيان و بنات
و عجز على امرها مغلوب

***
مع انو الحقيقه
انا الي بالدنيا ضحيه
عملتوني ماده للغنى
و قضية الي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه و بالرشيديه
انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده هي

***
فلسطين عربيه
و راح تبقي عربيه
و راح ترجع عربيه

شكرا الك على موضوعك

عدد الرسائل : 31 تاريخ التسجيل : 03/06/2007

مشكــــــــوره على الموضوع.....لكن نأسف على الوضع الحقيقي للأنسان الفلسطيني..

ولكن الحمد لله على كل شي..

وأيضا الذي يحزن اكثر أصبح هم الفلسطيني أكبر بعد هذه المشاكل (القتال الداخلي)..

فلسطيني ليس مثل مقولتك بعد ما كان ضحيه .أصبح جاني أيضا ..للأسف

lord

مشكوووووورين كلكم على الردود الامورة ....يسلموو

مشكورا يا اخت تيما وياريت المزيد

مع تحياتي

شكراً عاى الشعر الجميل و الرائع جداً
و ارجو ان تقدم و تعيش فلسطين

عدد الرسائل : 44 تاريخ التسجيل : 11/06/2007

شكر للموضوع

مشكورين عالرود الامورة كلكم